Лукашэнка Аляксандр Рыгоравіч падазраецца ў здзяйсненні наступных злачынстваў, якія падпадаюць пад юрысдыкцыю Міжнароднага крымінальнага суда:
– злачынства генацыду ўкраінскага народа, якое выказалася ў дзеяннях па гвалтоўнай перадачы дзяцей з адной этнічнай групы ў іншую;
– злачынства агрэсіі, якое выкалазася ў дзеяннях дзяржавы, якія дазваляюць, каб яе тэрыторыя, якую яна прадаставіла ў распараджэнне іншай дзяржавы, выкарыстоўвалася гэтай іншай дзяржавай для здзяйснення акта агрэсіі супраць трэцяй дзяржавы.
Лукашэнка Аляксандр Рыгоравіч падазраецца ва ўчыненні наступных злачынстваў, прадугледжаных Крымінальным кодэксам Рэспублікі Беларусь: падрыхтоўка або вядзенне агрэсіўнай вайны (артыкул 122 Крымінальнага кодэкса Рэспублікі Беларусь);
– прапаганда вайны (артыкул 123 Крымінальнага кодэкса Рэспублікі Беларусь);
– генацыд (артыкул 127 Крымінальнага кодэкса Рэспублікі Беларусь).
ФАКТЫ
Расейская агрэсія супраць Украіны пачалася 24 лютага 2024 г., прыкладна ў 5 гадзін раніцы. Расейскія войскі ўвайшлі на тэрыторыю Украіны, у тым ліку, з тэрыторыі Беларусі. Лукашэнка Аляксандр Рыгоравіч, з’яўляючыся самаабвешчаным прэзідэнтам, прыняў рашэнне аб прадастаўленні для ўзброеных сіл РФ тэрыторыі Беларусі для здзяйснення акта агрэсіі супраць Украіны. Праз тэрыторыю Беларусі, па непасрэдным указанні самаабвешчанага прэзідэнта Лукашэнкі Аляксандра Рыгоравіча ажыццяўляецца перамяшчэнне, дэпартацыя, вываз украінскіх дзяцей ва ўзросце ад 6 да 15 гадоў на тэрыторыю РФ. Вядомы факты аб перамяшчэнні сама меней сотняў дзяцей, узятых з прытулкаў і дзіцячых дамоў.
